O Festival de Cine Internacional de Ourense inicia a carreira para ser un dos máis relevantes eventos cinematográficos que se celebra na comunidade galega, e colocarse durante a súa celebración no primeiro plano da actualidade cultural de Galicia.

De momento  esa e a nosa dimensión. Xa e bastante, a diferencia de cando non había nada.
Debémoslle recoñecemento a quenes tiveron a visión e recollemos o testigo de quenes traballaron nas distintas edicións con ánimo constructivo.

Mais chegaron os tempos de abrir as portas, de reinventar e procurar que o Festival de Cine de Ourense trascenda as suas fronteiras para formar parte da familia internacional de profesionales e eventos audiovisuais de España, dos nosos veciños de lingua e historia  -Portugal e Iberoamérica- e sen dúbida de Europa, a nosa asignatura pendente.

Este ano, ca chegada do novo equipo, o Festival ofrece unha selección do máis  innovador e experimental do cine internacional, mixturado coa producción máis destacada feita en Galicia durante o ano 2006-2007. Pero o impacto do Festival non se veia só  nas proxeccións dos grandes films da competición e nos ciclos de peliculas recollidos de grandes festivais, se non tamén nas curtas e documentais feitos polas novas xeracións de cineastas que exploran os novos medios e nas mesas de debate aberto, nos encontros e na propia reinvención democrática do Festival.

Materiais cinematográficos e Conversas, todos para a reflexión. Reflexión como espectadores, e reflexión como profesionais que acudindo a este novísimo punto de encontro cinematográfico que é Ourense, poderán participar das iniciativas de creación do propio festival, para que poda medrar e convertirse en ferramenta e motor do arte e da industria cinematográficas de Galicia, servindo tamén para descubrir o millor das outras culturas do mundo.

Honrar o ben feito hónrarános a nos.