O Festival chega a súa 12 edición cun xiro de  renovación dado por un novo equipo, creado apenas un mes antes da súa inauguración e que asume o reto co firme propósito de inserir o festival nos tempos de innovación e cambio que vive o audiovisual no mundo.

O novo equipo propón, con este 12 Festival de Cine Internacional de Ourense, a ambición de Galicia para desenvolver a súa industria audiovisual no contexto internacional europeo programando as súas actividades fundamentalmente como expresión do fomento da diversidade cultural para un mellor entendemento de todas as culturas , para impulsar e difundir a identidade propia da cultura galega e para enriquecer a cultura propia e europea co concurso das demais culturas.

Un festival con raíces en Galicia-Europa con vocación de viaxe americana, como a propia historia de Galicia foi un festival tamén con profundos lazos lusófonos por historia e lingua compartidas.

Facilitar o acceso á información e ao coñecemento das obras máis significativas do cine e o audiovisual do universo europeo e iberoamericano e servir de punto de encontro para o desenvolvemento do audiovisual de calidade dos dous lados do Atlántico constitúen o obxectivo máis prezado.

Sobre estas bases, a 12 edición do Festival nace co sinxelo e democrático propósito de ser foro de debate e discusión para todos os profesionais e institucións de Galicia, España, Europa e Iberoamérica onde se reinvente o festival que todos necesitamos en Galicia ao servizo de cidadáns, creadores e profesionais desta era audiovisual, tan dixital por certo.

Agardamos que este 12 Festival de Cine Internacional de Ourense, sexa un frutífero foro de debate, un gran caldeiro de novas ideas e de reinvención de conceptos para todos, profesionais, amantes do cine de Orense e Galicia que, xunto cos colegas do cine e do audiovisual de todo o mundo que nos visitan, entrelacen as súas ideas e gocen da nosa cultura, dos nosos viños e comida, e dos saudables beneficios termales de Ourense.

Fagan amigos e páseno ben. Co-produzan todos.

Enrique Nicanor
Director-Xerente do Festival


<<Programa do Festival>>